Turar upyqta bir peri.
Seyli qilmaqta upuqni
Qan renglik güllerni.
Shepeqtin aqqan qan derya
Qizartmaqta altun kebi chachlarni
Chogh kebi lewlerdek.
Aydingdiki dala
Aydingda
Turimen izdep
Yütken özemni.
Ay
Söymekte mengzimni
Söymekte dalani.
Yultuz
Oghrilap ketti
Kümüsh yiplar bilen baghlap
Tal chiwiqqa min’gen konglümni..
Meschit aldidiki bowaygha
Olturar bir boway
Meschit aldida.
Mükiwaptu
Pütün dunya közige,
qonuwaptu
gülbostiki hemme yollar yüzige..
kötürelmey
dunyani, yolni..
tiriwaptu
hassasini meydisige..
93- yili 7- ay
Mest sehra
Uxlumaqta mestxush ay
Qonuwélip söget uchigha
Kéler undin jigde puruqi.
Qayaqtidu hawshughan itlar
Chaqirmaqta ayni hemragha.
Ashiq yigit
Üziwélip yultuzni
Tizip otluq bolapka
Qilmaq bolup yarigha sowgha
Éytmaqta naxsha, télmürip yolgha.
Yash chokan chiqip keldi jigdiliktin
Tashlap qoyup izlérini
Yumshaq qumluqqa.
Uxlumaydu mewjudat menggö
Yishilmigech mestliktin sehra.
92- yili 7-ay
Newruz
Kün
Tündin bolup hamildar
Tungdi kök bore.
Bore
Bashlap keldi newruzni.
Nuwruzda ejdad achti uyghurush
Ichip oghuzni.
Könglüm
Nuruzdiki gülxan boyida
Oghuz bowamdin anglar chöchekni.
Chöchek
Baghashlap ketti
Alp artungani, Turan xatunni…
Men turumen dalida
Saqlap özemni…
92- yili 3- ayning 21- küni
Ögen boyida
Sériq altun, sériq derex
Sériq küzge kelgende
Saghuch asman, saghuch chiray
Könglim ghazan yürgende.
Yalghuzluqum xuddi adem
Ögen’ge yash tökkende...
94- yili 11- dikabir
Ögen derya boyida
Olturattim ögen derya boyida
Yalghuz aqqu üzmekte
Sama yolida
Soridum yayrim keldimu?
Chawaq chep tenha térek
Qarshi aldi meyin shamalni
Purudum-
Yayrim ewetken
Etir purap turghan könglini.
Meyin shamal, yalghuz aqqu
Alghach kelgin yayrimni bille
Köz yéshida boyalghan,
Kirpikide yézilghan,
Salam xétide..
94- yili 8-ay
Qardiki kütüsh
Tebietning ey sexi elchisi
Qapliding jahanni ap- aq lichekke
Oxshaytti shu tenha xiyalim
Aq shayida oralghan yalighach ten’ge.
Sendin eyminip
Kétermu qar érip
Derizimde qétip qalghan sebi melike.
Xiyalimdek tenha kümüsh ten yigit
Singip ketti mungluq mijgan küyige.
Chüshigende sen méni
Qoshup salghin özengni
Ay nurigha xet bergende.
Hey..
Söyüp kétermu ya ay nuri séni?
Érip ketken közimde qoyumen imza
Qaldurup chéchingde kümüsh izimni.
Qar yigit turudu kümüsh dalida...
93- yili 12- ayning 29- küni
Qizil chiraq
Turimen
Qizil chiraq tüwide.
Könglim ketti
Asminida bulut yoq
Mejnun talda qushlar yoq,
Ériqida süp- süzik sular
Lékin unda béliq yoq
Salqin shamal jaylargha.
Yigha tutti
Attim özemni
Tenhaliqning qoynigha.
97-yili 9- ayning 4- küni
Restidiki qizgha
Boghuzludum
Cholpan yultuzni
Yürekimning zen’ger közige.
Qelbim köyip chogh boldi
Yanar taghdek
Lawildighan chéchingde.
Qutbusidin meschitning
Üziwélip hilal ayni
Ésip qoysam, qoshup rohimni
Perishtemning
Ikki köksi arsigha.
Restidiki tunji béqishish
Ah!
Armani bop qaldi jüp lewning
93- yili 8- ayning 20- küni
Sehra gugumi
Itekléride kün
Turar upyqta bir peri.
Seyli qilmaqta upuqni
Qan renglik güllerni.
Shepeqtin aqqan qan derya
Qizartmaqta altun kebi chachlarni
Chogh kebi lewlerdek.
Axsham bolghan oxshaydu
Chüjiler chiqmaqta qondaqqa.
Jahanni qaplidi tim- tasliq
Aydingdiki yigit qelbidek.
Ene, bir yigit munglunup
Sanimaqta kümüsh yultuzni
Yar kirpikini sanighandek…
92- yili 8- ayning 20- küni
Uyghur
Kök asmandin témip
Qungur yerde törelduq
Bolup kök bore.
Bolmisa ger tengri taghléri
Bolmas böre rawayetléri .
Bolghach bore
Bolghan:
Turan, Hon, Kök Türk, Osmanli, Qara Xanléri….
90- yili 7- ayning 22- küni
Xazang hésléri
Köküch asman
Mejnun talda altun yupurmaq.
Tolghach taza küzde quwetke
Aylinarken altun renggige.
Adem toshsa eqilge
Aylan’ghandek béshi kümüshke.
Lékin
Barmay uzun’gha
Altun yupurmaq
Qedem qoydi ghazang peslige
Miwe piship tolsa shirnige
Sésighandek qurut chüshüp ichige .
Burunda peyghembirim rosolilla
Yighlar iken namaz üstide.
Nichün yighlarsiz?
Soraptu sahawi
Bilseng jahanni mendek egerde
Toxtumas yéshing ahu közingde.
94- yili 9- ayning 1- küni
Yotqan’gha mükiwalghan chüsh
Yayrim sen bezide bek yiraq jayda,
Bezide bek yéqin
Soghuq lewléring meydemde hetta.
Shiwirlaydu kelpukléring telmürip manga.
Kök taghlar yatar telmürip
Aq bulutlar orighan aygha,
Yapraqlar shiwir-shiwir shiwirlap
Izhar qilur könglini ashiq shamalgha.
Chékip kir dérizemni oghri ay nuri
Suquwalay yotqunumgha hayasiz chüshni
Tunuwalmisun tamlérim uni
Titrep turup söyilgen tenni.
93- yili 11- ay
Hiç yorum yok:
Yorum Gönder